आज:  २०८२ भाद्र १४, शनिबार | Sat, 30, Aug, 2025 Search
FLASH NEWS

नेपाल कराँते महासंघ नवलपुरको अध्यक्षमा भुपराज पाठक चयन

    प्रकाशित २०८२ श्रावण १६, शुक्रबार (४ हफ्ता अघि)


देवचुली । नेपाल कराँते महासंघ नवलपुर कार्य समितिको अध्यक्षमा भुपराज पाठक सर्वसम्मत चयन भएका छन् । बिहीबार देवचुली-१३, दलदलेको सहारा पार्टी प्यालेसमा भएको प्रथम जिल्ला अधिवेशनबाट पाठकको नेतृत्वमा १५ सदस्यीय समिति गठन गरिएको हो ।

समितिको उपाध्यक्षमा ओम थापा मगर र मिनबहादुर थापा मगर, सचिवमा विजय पुलामी, कोषाध्यक्षमा कोपिला सोती मगर, सदस्यमा खुमबहादुर लामिछाने, राजकुमार कुमाल, अभिषेक थनेत, एलिसा थापा, विप्सन बराल, शोनिसा महतो, रोशन गरम्जा, इन्दिरा माया पाठक, सखिना गुरुङ र कुसुम क्षेत्री सर्वसम्मत चयन भएका छन् । अधिवेशनबाट निरज गौतम, भुपराज पाठक, ओम थापा मगर, कुसुम क्षेत्री र भगवान गुरुङ प्रदेश प्रतिनिधि चयन भएका छन् । त्यसै गरि विष्णुलाल श्रेष्ठलाई अधिवेशन पर्यवेक्षणमा चयन गरेको हो ।

बिहीबार नेपाल कराँते महासंघ नवलपुरका अध्यक्ष भगवान गुरुङको अध्यक्षतामा भएको प्रथम अधिवेशनमा नेपाल कराँते महासंघ गण्डकीका अध्यक्ष मनिराज थापा मगर, जिल्ला खेलकुद विकास समितिका सचिव निरज गौतम, कार्यालय प्रमुख विष्णुलाल श्रेष्ठ लगायतको उपस्थिति रहेको थियो ।

Write your Comment