प्रगतिनगर खानेपानीको नयाँ कार्यसमितिको १०० दिनका प्रमुख कार्य तथा उपलब्धिहरू सार्वजनिक

देवचुली । देवचुली नगरपालिकामा रहेको प्रगतिनगर खानेपानी तथा सरसफाइ उपभोक्ता संस्थाको नयाँ कार्यसमितिले कार्यभार सम्हालेको १०० दिनको प्रमुख कार्य तथा उपलब्धिहरू सार्वजनिक गरिएको छ। बिहिबार पत्रकार सम्मेलन गरी संस्थाका अध्यक्ष डिल्लीराम कडरियाले १०० दिनमा गरेका मुख्य काम सार्वजनिक गरेका हुन् । कडेरियाको नेतृत्वको टिमले वैशाख ३ गते पदभार ग्रहण गरेदेखि हालसम्म गरेका कामहरु सार्वजनिक गरेका हुन्।

९ औं अधिवेशनबाट निर्वाचित नयाँ कार्यसमितिले कार्यभार सम्हालेको १०० दिनमा गरेका मुख्य कार्यप्रगति विवरणहरू

१. २०८२ वैशाखदेखि हालसम्म ३५ वटा नयाँ धारा जडान गरिएको छ।
२. नयाँ पाइपलाइन २०५८ मिटर विस्तार गरिएको छ।
३.संस्थाले करिब ८ लाख पुरानो बक्यौता रकम उठाउन सफल भएको छ।

४.सिटिजन्स बैंक धारापानी शाखा कार्यालयको आर्थिक सहयोगमा प्रतिनगर चोकमा र गरिमा विकास बैंक दलदले शाखाको आर्थिक सहयोगमा दलदले चोकमा सार्वजनिक तथा निःशुल्क स्मार्ट वाटर फिल्टर जडान गरिएको छ ।

५. उपभोक्ताको पारिवारिक सदस्यको मृत्यु भएमा सो महिनाको मासिक महसुल छुट गरिएको छ।

६. खानेपानी तथा ढल व्यवस्थापन विभाग काठमाडौँबाट मुहान तथा फिल्टर प्लान्ट निर्माणका लागि ३ करोड बजेट पार्न सफल भइएको छ।
७. खानेपानी तथा ढल व्यवस्थापन आयोजना, संघीय कार्यालय पोखराबाट प्रेसर फिल्टर बापत क्रमागत बजेटको रूपमा रु ४० लाख बजेट प्राप्त गर्न पहल गरी सफलता प्राप्त गरिएको छ।

८. खानेपानी तथा सरसफाई डिभिजन कार्यालय तनहुँ प्रदेश कार्यालयबाट खानेपानीका पाइप मर्मत तथा फिटिङ सामानहरू गेटभल्भहरु खरिद गर्नका लागि रु ३० लाखको बजेट पार्न सफल भएका छौं ।

९. यस संस्थाको खानेपानी मुहान संरक्षणका लागि एस्काभेटर प्रयोग गरी च्यानललाइज (ढुङ्गाको बाँध) बनाउने कार्य सम्पन्न गरिएको छ।

१०. धारापानी चोकमा रहेको ओभरहेड ट्याङ्की परिसरमा प्रेसर फिल्टर जडान गरिएको छ।

११. देवचुली ७ डाँडा चौपारीदेखि खानेपानी मुहान परिसर जाने बाटो ढलान गर्ने कार्य सम्पन्न गरिएको छ ।

१२. प्रयोगशाला सुधार तथा स्तर उन्नतिका लागि देवचुली नगरपालिकाबाट रु ३ लाख बजेट विनियोजन गराउन सफल भएको छ।

१३. खानेपानी मुहान संरक्षणका लागि देवचुली खानेपानी र प्रगतिनगर खानेपानीको संयुक्त पहलमा साथै स्थानीय प्रशासन, प्रहरी र उपभोक्ताहरूको सहयोग र सहकार्यमा मुहान क्षेत्रलाई पौडी खेल्न र पिकनिक खानलाई निषेध गरिएको छ।

१४. छिमेकी खानेपानी संस्थाहरूसँग सहकार्य गर्ने नीति अनुरुप बुलिङ्टार ४ अर्खलामा संस्थाका प्राविधिक टोलीसहित खानेपानी शुद्धिकरण, प्रशिक्षण र अन्तरक्रिया कार्यक्रम सम्पन्न गरी सो खानेपानी संस्थाहरुलाई सहयोग गरिएको छ।

१५. २०८२ सालको क्यालेन्डर प्रकाशन गरी वितरण गरिएको छ।

प्रगतिनगर खानेपानी तथा सरसफाइ उपभोक्ता संस्थाका अध्यक्ष डिल्लीराम कडरियाको अध्यक्षतामा भएको पत्रकार सम्मेलनमा संस्थाका सल्लाहकार, कार्य समिति, लेखा समिति, सुरक्षा उप समिति, कर्मचारी लगायत पत्रकारको उपस्थिति रहेको थियो । सो कार्यक्रमको सहजीकरण संस्थाका सचिव विष्णु न्यौपानेले गरेका थिए ।