रजहर खानेपानीको अध्यक्षमा बासुबाबु कोइराला निर्वाचित

देवचुली। रजहर खानेपानी तथा सरसफाइ उपभोक्ता संस्थाको अध्यक्षमा बासुबाबु कोइराला विजयी भएका छन् । कोइरालाले निकतम प्रतिष्पर्धी गंगाबहादुर थापालाई ९ मतले हराउँदै विजयी भएका हुन् । कोइरालाले ६५१ मत ल्याई विजयी हुँदा थापाले ६४२ मत ल्याएका थिए।

संस्थाको उपाध्यक्षमा लालप्रसाद अधिकारी, सचिवमा घनश्याम गौतम, सहसचिवमा शान्ति सुनार र कोषाध्यक्षमा पार्वता पौडेल आचार्य विजयी भएका छन् । त्यसै गरि लेखा संयोजकमा गणेशबहादुर रायमाझी, लेखा सदस्यहरुमा मन्जु थापा मगर र लक्ष्मी लामिछाने विजयी भएका छन् । त्यसै गरि सदस्यहरुमा मुक्तिप्रसाद पौडेल, सीता गुँरौ, धनमाया खोजवार, गंगाराम महतो, रामप्रसाद न्यौपाने, धनबहादुर रायमाझी क्षेत्री र ढाकाराम शर्मा विजयी भएका छन् भने खोरबहादुर थनेत निर्विरोध निर्वाचित भएका थिए ।

संस्थाका कार्यसमिति चयनका लागि भएको निर्वाचनमा २ हजार ९२ मत खसेको थियो।