आज: २०८१ बैशाख १५, शनिबार | Sat, 27, Apr, 2024 Search
काठमाडौं । बिहीबारबाट नेपाल र क्यानडाबीचको तीन खेलको ओडिआई सिरिज सुरु हुदैछ । ओडिआई सिरिजमा नेपाल र क्यानडा पहिलो पटक खेल्दै छन् । नेपाल र क्यानडाबीचको खेल टियु मैदान कीर्तिपुरमा बिहीबार बिहान सवा नौ मा सुरु हुनेछ ।
२०१८ मा ओडिआई मान्यता प्राप्त गरेको नेपालले क्यानडालाई आफ्नो १३ औं प्रतिद्वन्दी राष्ट्रको रुपमा पाउने छ । नेपालले अहिले सम्म ५९ ओडिआई मान्यता प्राप्त खेल खेलेको छ ।२०१५ को विश्वकपमा छनोट हुन नसकेपछि ओडिआई मान्यता गुमाएको क्यानडाले आइसीसी विश्वकप छनोट प्लेअफमा पुनः मान्यतालाई फिर्ता ल्याएको थियो ।
१९७९ मा पहिलो ओडिआई मान्यताप्राप्त खेल खेलेको क्यानडाले हालसम्म ८२ ओटा ओडिआई मान्यता प्राप्त खेल खेलेको छ ।
