आजदेखि मौसममा सुधार, गण्डकीसहित तीन प्रदेशमा क्षणिक वर्षाको सम्भावना

काठमाडौं।मौसममा क्रमिक सुधार आएको छ। मौसममा क्रमिक सुधार आएसँगै बिहीबार बिहानै घाम लागेको छ।लगातार पानी नपरे पनि हल्कादेखि क्षणिक वर्षाको सम्भावना केहीदिन रहने मौसम पूर्वानुमान महाशाखाले जनाएको छ। मौसमविद् गोविन्द झा कतै पनि भारी वर्षाको सम्भावना नरहेको बताए।

झाका अनुसार आज कोशी, बागमती र गण्डकी प्रदेशका केही स्थानमा हल्कादेखि क्षणिक वर्षाको सम्भावना रहेको मौसमविद् झाले जानकारी दिए। उनका अनुसार बाँकी भूभागमा सामान्यतया आज मौसम सफा रहनेछ। काठमाडौं उपत्यकामा आज दिउँसो दुई–तीन बजेतिर हल्कादेखि क्षणिक वर्षाको सम्भावना छ।मौसममा क्रमशः सुधार हुँदै गएपनि पूर्णरूपमा मनसुन बाहिरिन भने अझै करिब ६ दिन लाग्ने मौसमविद्हरुले बताएका छन्।