आज: २०८० मंसिर १७, आईतबार | Sun, 03, Dec, 2023 Search
देवचुली।देवचुली नगरपालिका वडा नम्बर ६ किर्तिपुरमा बृहत सरसफाई कार्यक्रम सम्पन्न गरिएको छ। नापा वासको सहयोगमा देवचुली ६ को आयोजना तथा किर्तिपुर खानेपानी सरसफाइ उपभोक्ता समुह,तीन कन्या आमा समुह,देवचुली युवा क्लब,सृजना सामुदायिक वन,नेपाल राष्ट्रिय शारदा आधारभूत विद्यालयको सह आयोजनामा शुक्रबार सरसफाई कार्यक्रम गरिएको हो।
देवचुली ६ लाई पूर्ण सरसफाइ उन्मुख क्षेत्र घोषणा गर्ने र किर्तिपुर लाई होमस्टे क्षेत्र बनाउने उद्देश्यले सरसफाई कार्यक्रम गरिएको वडा अध्यक्ष मिनबहादुर सोती मगरले बताउनुभयो ।सरसफाई कार्यक्रममा जनप्रतिनिधि, स्थानीयबासी, युवा क्लबका प्रतिनिधिहरु,सामुदायिक वनका पदाधिकारीहरु, विद्यालयका प्रतिनिधिहरु लगायतको उपस्थितिमा रहेको थियो।
