आज: २०८१ श्रावण १२, शनिबार | Sat, 27, Jul, 2024 Search
मदन अर्याल,देवचुली।लायन्स क्लब अफ देवचुली दिव्यकाे नयाँ पदाधिकारी टिम चयन भएको छ। मंगलबार बसेकाे प्रथम अधिवेसनकाे बैठकबाट आगामी बर्ष २२/२३ को लागि चाेकनायण काफ्लेको अध्यक्षतामा नया समिती सर्वसहमत रुपमा चयन गरिएको हो।नवनिर्वाचित समितिको प्रथम उपाध्यक्षमा सुवास चन्द्र ओझा , द्वितीय उपाध्यक्षमा पारस नाथ खनाल ,तृतिय उपाध्यक्ष राकेश पन्त, सचिबमा सरस्वती दाहाल भुसाल, कोषाध्यक्षमा नवराज सापकाेटा रहेका छन।
कार्यक्रमकाे प्रमुख आतिथ्यता लायन्स क्लवका एओजी डिष्ट्रक ३२५ बी २ हाेमनाथ जैशीले गर्नुभएकाे थियाे भने लायन्स क्लव अफ देवचुली दिव्य २१ का अध्यक्ष निरज सापकाेटाले कार्यक्रमकाे अध्यक्षता गर्नु भएकाे थियाे ।
कार्यक्रममा बोल्दै लायन्स क्लब अफ देवचुली दिव्य निवर्तमान अध्यक्ष सापकाेटाले नया समितिलाई पुर्ण सफलताको कामना सहित बर्ष २०२१ को कार्यकाल सफल पार्न सहयोग गर्नुहुने सबैलाइ धन्यवाद ज्ञापन गर्नुभएकाे थियाे । त्यस्तै कार्यक्रममा क्लबमा नया जोडिन लागेका प्रस्तावित सदस्यहरुलाइ स्वागत गरिएको थियो ।
त्यस्तै कार्यक्रममा बोल्दै बर्ष २२/२३ को लागि नवनियुक्त अध्यक्ष काफ्लेले लायन्स क्लबले आफुलाइ नेतृत्व गर्ने जिम्मेवारी दिएकोमा कार्यसमितिलाई धन्यवाद दिदै आगामी बर्ष सशक्त र प्रभावकारी ढंगबाट क्लबलाइ अगाडि बढाएर रास्ट्रीय तथा अन्तर्राष्ट्रिय रुपमा क्लबलाइ पहिचान गराउने प्रतिवद्दता समेत व्यक्त गर्नु भएकाे थियाे ।
कार्यक्रमकाे विशेष अतिथिमा लायन्स क्लबका जोन चियरपर्सन मनिप्रसाद गुरुङ्ग, लायन विष्णु कंडेल, लायन भानुभक्त पाैडेल, लायन चाेक बहादुर पाईजा, विश्वनाथ काफ्ले, गणेश थापा मगर, दिपक पाेख्रेल रहनु भएकाे थियाे । देवचुली १३ मा रहेको हाेटल हातेमालाेकाे सभाहलमा भएको कार्यक्रममा लायन्स क्लबका पदाधिकारी तथा सदस्यहरु,लियो क्लबका सदस्यहरु लगयात अन्य प्रस्तावित सदस्यहरुको समेत उपस्थिति रहेको थियो।
