छैठौं वडास्तरीय नकआउट फुटबल प्रतियोगितामा प्रगतीकला मन्दिर युवा क्लब विजयी

देवचुली, देवचुली नगरपालिकामा संचालित छैठौं वडास्तरीय नकआउट फुटबल प्रतियोगितामा आज प्रगतीकला मन्दिर युवा क्लब विजयी भएको छ । पृथ्वी समाज सेवा क्लबको आयोजनामा सुर्य किरण आधारभुत विद्यालयको खेलमैदानमा संचालित प्रतियोगितामा प्रगतीकला मन्दिर युवा क्लबका विरुद्ध हरियाली युवा क्लब रजहरबिच भएको खेलमा प्रगतीकला मन्दिर युवा क्लब ४-३ गोल अन्तरले विजयी भएको हो । खेलमा प्रगतीकला मन्दिर युवा क्लबका तर्फबाट सन्दिप मल्लले २ गोल,रमेश गुरुङले १ गोल र टिकाबहादुर चितौरेले १ गोल गरेका थिए भने हरियाली युवा क्लब रजहरका तर्फबाट सुसन अधिकारीले १ गोल र अमित कुंवरले २ गोल गरेका थिए । आजको खेलमा प्रगतीकला मन्दिर युवा क्लबका सन्दिप मल्ल म्यान अफ दि म्याच घोषित भएका छन ।

२१ टिमको सहभागिता रहेको प्रतियोगितामा प्रथम हुने टिमले नगद रु २५ हजार ,प्रमाणपत्र,मेडल र ट्रफी प्राप्त गर्नेछ भने द्वितीय टिमले नगद रु १५ हजार ,प्रमाणपत्र,मेडल र ट्रफी प्राप्त गर्नेछ । त्यस्तै खेलमा सर्वोकृष्ट खेलाडी र सर्वाधिक गोलकर्तालाई पुरस्कारको व्यवस्था रहेको आयोजकले जनाएको छ । प्रतियोगिताको भोलीको खेल समाज सुरक्षा क्लब र केउरानी युवा क्लबबिच हुने खेल संयोजक समीर श्रेष्ठले बताए ।