सेभेन ए साइड फुटबल प्रतियोगिता : आइतबार देवचुली र सनलाइट विजयी

देवचुली । देवचुली नगरपालिकामा संचालित दोस्रो सेभेन ए साइड फुटबल प्रतियोगितामा आइतबार देवचुली युवा क्लब र सनलाइट युवा क्लब विजयी भएका छन् । हरितालिका तीजको अवसरमा प्रगतिकला मन्दिर युवा क्लबको आयोजनामा जन ज्योति नमुना माविको खेलमैदानमा देवचुली युवा क्लब र भानु युथ क्लब कावासोतीका बीच भएको पहिलो खेलमा देवचुली युवा क्लब विजयी हुँदै तेस्रो चरणमा प्रवेश गरेको हो । खेलमा देवचुली युवा क्लबले भानु युथ क्लबलाई १-० गोल अन्तरले हराएको हो । खेलमा देवचुली युवा क्लबका दोपेश लामिछाने मगरले गरेका थिए । निर्णायक गोल गरेका मगर म्याच अफ दि म्याच भएका थिए ।

शनिबार भएको सनलाइट युवा क्लबका विरुद्ध भेंडाबारी फुटबल क्लब बिचको खेलमा सनलाईट युवा क्लब विजयी भएको छ । सनलाइट युवा क्लबले भेडाबारीलाई ट्राइबेकरमा ६-५ गोल अन्तरले हराउँदै तेस्रो चरणमा प्रवेश गरेको हो । निर्धारित समयको खेलमा दुवै टिमबाट १-१ को बराबरी भएपछि खेल ट्राइबेकरमा गएको थियो । दोस्रो खेलमा सनलाइट युवा क्लबका गोलरक्षक गौरव शर्मा म्यान अफ दि म्याच भएका थिए ।

प्रतियोगितामा प्रथम हुने टिमले ४७ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने दोस्रो हुने टिमले २६ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ। त्यसै गरि प्रतियोगिताको उत्कृष्ट खेलाडी, सर्वाधिक गोलकर्ता र सर्वोकृष्ट गोलरक्षकलाई पुरस्कारको व्यवस्था रहेको छ ।

प्रतियोगिता अन्तरगत सोमबार फाराम खेलकुद विकास समितिका विरुद्ध नव ज्योति युवा क्लब हसौरा र प्रगतिकला मन्दिर युवा क्लब ए का विरुद्ध चर्च ब्वाइज डी बीच खेल हुने आयोजकले जनाएको छ ।