आज:  २०८२ भाद्र १३, शुक्रबार | Fri, 29, Aug, 2025 Search
FLASH NEWS

देवचुलीमा आधारभूत तहको हिसाब दौड तथा हिज्जे प्रतियोगिता सम्पन्न

    प्रकाशित २०८२ भाद्र ७, शनिबार (६ दिन अघि)


देवचुली । देवचुली नगरपालिकामा आधारभूत तहको हिसाब दौड तथा हिज्जे प्रतियोगिता सम्पन्न भएको छ । शिक्षा दिवसको पुर्व सन्ध्यामा देवचुली नगरपालिकाद्वारा कक्षा १-५ सम्म हिसाब दौड र कक्षा ६-८ का लागि अंग्रेजी हिज्जे प्रतियोगिता गरिएको हो ।


शुक्रबार जन ज्योति नमुना माध्यमिक विद्यालयको प्राङ्गणमा भएको आधारभूत तहस्तरीय हिसाब दौडमा जन ज्योति नमुना माविका रोशन सुनारी प्रथम, मनकामना आधारभूत विद्यालयका पवन टण्डन द्वितीय, विश्वज्योती माविका आशिष सुबेदी तृतीय र जीवन ज्योति आधारभूत विद्यालयकी सजनी तामाङ सान्त्वना भएका थिए । हिसाब दौडमा २० विद्यालयको सहभागिता रहेको थियो ।

त्यसै गरि जन ज्योति नमुना माध्यमिक विद्यालयको सभाहलमा भएको अंग्रेजी हिज्जे प्रतियोगितामा भीमसेन आदर्श मावि प्रथम, विश्व ज्योति मावि द्वितीय, जनज्योति मावि तृतीय र सकलादेवी मावि सान्त्वना भएका थिए । उक्त प्रतियोगिता समेत २० वटा विद्यालयको सहभागिता रहेको थियो ।


दुवै प्रतियोगिताका विजेताहरुलाई देवचुली नगरपालिकाद्वारा आयोजना हुने राष्ट्रिय शिक्षा दिवस विशेष कार्यक्रममा पुरस्कृत गर्ने शिक्षा शाखाका अधिकृत नन्दलाल ढकालले जानकारी दिनुभयो ।

Write your Comment