सेभेन ए साइड फुटबल प्रतियोगिता : शुक्रबार आयोजक निलो र भुपु ब्वाइज विजयी

देवचुली । देवचुली नगरपालिकामा संचालित दोस्रो सेभेन ए साइड फुटबल प्रतियोगितामा शुक्रबार आयोजक निलो र भुपू ब्वाइज विजयी भएका छन् । हरितालिका तीजको अवसरमा प्रगतिकला मन्दिर युवा क्लबको आयोजनामा जन ज्योति नमुना माविको खेलमैदानमा आयोजक निलो र सेभेन स्टार क्लब, कावासोती-१५ बीच भएको पहिलो खेलमा आयोजक निलो विजयी हुँदै दोस्रो चरणमा प्रवेश गरेको हो । खेलमा आयोजक निलोले सेभेन स्टार क्लबलाई ३-० गोल अन्तरले हराएको हो ।

शुक्रबार नै भएको अभिषेक चर्च रजहरका विरुद्ध भुपु ब्वाइज बिचको खेलमा भुपु ब्वाइज विजयी भएको छ । भुपु ब्वाइजले अभिषेक चर्च रजहरलाई १-० गोल अन्तरले हराउँदै दोस्रो चरणमा प्रवेश गरेको हो ।

प्रतियोगितामा प्रथम हुने टिमले ४७ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने दोस्रो हुने टिमले २६ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ। त्यसै गरि प्रतियोगिताको उत्कृष्ट खेलाडी, सर्वाधिक गोलकर्ता र सर्वोकृष्ट गोलरक्षकलाई पुरस्कारको व्यवस्था रहेको छ ।