आज: २०८२ भाद्र १३, शुक्रबार | Fri, 29, Aug, 2025 Search
देवचुली । देवचुली नगरपालिकाद्वारा केही व्यक्तिहरुले प्रयोग गर्दै आएको सरकारी जग्गा खाली गर्न आग्रह गरेको छ । नगरपालिकाका अनुसार हाल देवचुली १० साथै साविक प्रगतिनगर गाउँ पन्चायत, वडा नं ३(क) कित्ता नं ९१ (क्षेत्रफल ४-३-१३.२५) मा रहेको सरकारी जग्गा केही व्यक्तिहरूले प्रयोग गर्दै आएकाले सो जग्गा फिर्ता ल्याउन लागेको हो ।
स्थानीय सरकार सञ्चालन ऐन २०७४ को दफा ११(२) बमोजिम नगरपालिकाले संरक्षण गर्ने मिति २०८२ असार १३ गते बसेको ८० औँ कार्यपालिकाको बैठकले निर्णय गरेको हो। नगरपालिकाले उक्त जग्गा प्रयोग गर्दै आएका सम्पूर्ण व्यक्तिहरूलाई कार्तिक मसान्तसम्म सो जग्गा खाली गर्न सार्वजनिक सूचना जारी गरेको छ। तोकिएको समयभित्र जग्गा खाली नगरे कानुन बमोजिम कारबाही हुने नगरपालिकाले जनाएको छ।
