आज: २०८२ भाद्र १४, शनिबार | Sat, 30, Aug, 2025 Search
देवचुली । देवचुली नगरपालिकामा संचालित दोस्रो सेभेन ए साइड फुटबल प्रतियोगितामा बुधबार बिहानी स्टार युवा क्लब डण्डा र युवा फाइबर वल्ड युथ क्लब हसौरा विजयी भएका छन् । हरितालिका तीजको अवसरमा प्रगतिकला मन्दिर युवा क्लबको आयोजनामा जन ज्योति नमुना माविको खेलमैदानमा बिहानी स्टार युवा क्लब र लक्ष्मीपुर फुटबल क्लब, देवचुली-१२ बीच भएको पहिलो खेलमा बिहानी स्टार युवा क्लब विजयी हुँदै दोस्रो चरणमा प्रवेश गरेको हो । खेलमा बिहानी स्टारले लक्ष्मीपुरलाई १-० गोल अन्तरले हराएको हो । बिहानी स्टार युवा क्लबका पवन परियारले गरेको गोल नै खेलमा निर्णायक बन्यो ।
बुधबार नै भएको शान्तिदिप युवा क्लब, देवचुली-१० का विरुद्ध फाइबर वल्ड युथ क्लब बिचको खेलमा फाइबर वल्ड युथ क्लब विजयी भएको छ । फाइबर वल्ड युथ क्लबले शान्तिदिप युवा क्लबलाई २-१ गोल अन्तरले हराउँदै दोस्रो चरणमा प्रवेश गरेको हो । दोस्रो खेलमा फाइबर वल्ड युथ क्लबका अशोक तामाङ र विवेक महतोले १/१ गोल गरेका थिए भने शान्तिदिप युवा क्लबका रोहन आले मगरले गोल गरेका थिए ।
प्रतियोगितामा प्रथम हुने टिमले ४७ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने दोस्रो हुने टिमले २६ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ। त्यसै गरि प्रतियोगिताको उत्कृष्ट खेलाडी, सर्वाधिक गोलकर्ता र सर्वोकृष्ट गोलरक्षकलाई पुरस्कारको व्यवस्था रहेको छ ।
प्रतियोगिता अन्तरगत बिहीबार भानु युथ क्लब कावासोतीका विरुद्ध देवचुली युथ युनियनबीच पहिलो खेल र आयोजक निलोका विरुद्ध कावासोती-१५ गोडारबिच हुने आयोजकले जनाएको छ ।
