आज:  २०८२ भाद्र १३, शुक्रबार | Fri, 29, Aug, 2025 Search
FLASH NEWS

नवलपुर जिल्ला तेक्वान्दो संघ आइटीएफको सातौं वार्षिक उत्सव सम्पन्न, उत्कृष्ट प्रशिक्षकलाई सम्मान

    प्रकाशित २०८२ श्रावण २८, बुधबार (२ हफ्ता अघि)


नवलपुर । नवलपुर जिल्ला तेक्वान्दो संघ आइटीएफको सातौं वार्षिक उत्सव सम्पन्न भएको छ । आइतबार कावासोती नगरपालिकाको सभाहलमा भएको वार्षिक उत्सवको कार्यक्रममा वर्ष उत्कृष्ट प्रशिक्षकलाई सम्मान गरिएको हो ।

नवलपुर जिल्ला तेक्वान्दो संघ आइ टि एफका संस्थापक अध्यक्ष वीर कुँवरको अध्यक्षतामा भएको सातौं वार्षिक उत्सवमा कावासोती नगरपालिकाका नगर प्रमुख विष्णुप्रसाद भुसालको प्रमुख आतिथ्यता रहेको थियो । त्यसै गरि जिल्ला खेलकुद विकास समितिका नवलपुरका अध्यक्ष सेतबहादुर पुन, कावासोती- १२ का वडा अध्यक्ष तथा कावासोती खेलकुद विकास समितिका अध्यक्ष ध्रुव खनाल, जिल्लाका विभिन्न संघका प्रतिनिधि लगायत खेलाडी तथा अभिभावकको उपस्थिति रहेको थियो ।

वार्षिक उत्सवमा उत्कृष्ट प्रशिक्षकको रूपमा ईश्वरकुमार सारु मगर, वर्ष उत्कृष्ट महिला खेलाडी सजिना सारु मगर र वर्ष उत्कृष्ट पुरुष खेलाडी विधान सुनारी मगर सम्मानित भएका छन् । कार्यक्रममा नवलपुर जिल्ला भरीका कालोपेटी प्राप्त गरेका ५० जना भन्दा बढी खेलाडीलाई सम्मान गरिएको हो ।

Write your Comment