आज: २०८२ भाद्र १४, शनिबार | Sat, 30, Aug, 2025 Search
देवचुली । देवचुली नगरपालिका वडा नं. ७, सितावास निवासी हरि प्रसाद भुसालले आफ्नो शब्द रचनाको नयाँ तीज गीत “ए बाबा मलाई नर्सिङ पढाइदेऊ” बजारमा ल्याएका छन्। भिमसेन आदर्श नमूना माध्यमिक विद्यालयको एस. एल.सी. पहिलो व्याचका विद्यार्थी रहेका हरि प्रसाद भुसाल हाल विश्व स्वास्थ्य संगठन, नेपाल अन्तर्गत बागमती प्रदेशको स्वास्थ्य मन्त्रालयमा जनस्वास्थ्य विज्ञको रुपमा कार्यरत छन्। जनस्वास्थ्य विज्ञानमा स्नातकोत्तर गरेका हरि प्रसाद भुसाल लेखनमा समेत सक्रिय रहेका छन्। उहाँको शब्द रचना रहेको समसामयिक यस गीतमा गोविन्द अनेकले सङ्गीत दिएका छन् भने श्वरकी धनी लोकप्रिय गायिका रचना रिमालको श्वर रहेको छ। केही दोहोरो अर्थमा अस्लिल लाग्ने शब्दहरु समेटिएका तीज गीतहरुले समाजमा नराम्रो असर पारिरहेको अवस्थामा हालको समसामयिक अवस्थालाई समेटेर भुसालले यो गीत बजारमा ल्याएका छन्।
गोविन्द अनेकको युट्युब च्यानलमार्फत् सार्वजनिक गरिएको उक्त गीतमा छोरीले नर्सङ पढेर सजिलै अमेरीका, क्यानडा, अस्ट्रेलिया जस्ता विकसित मुलुकमा गएर छिट्टै धन कमाउन सकिन्छ र सम्पन्न हुन सकिन्छ भन्ने भाव सहित नर्सिङ पढ्न बुबासँग अनुरोध गरिरहेको कथावस्तु प्रस्तुत गरिएको छ ।खास गरी अमेरिका बस्नेहरुले विवाहको लागि नेपाली नर्सहरु मनपराउने हुनाले पनि नर्स पढेर सजिलै अमेरिका जान सकिने कथाबस्तु गीतले बोकेको छ। हालको परिस्थिति अनुसारको विषय बस्तुमा तयार गरिएको उक्त गीतको भिडीयो समेत सार्वजनिक भएको छ। भिडियोमा मुख्य कलाकारका रूपमा संजना गुरुङले अभिनय गरेकी छन् भने रचनाकार भुसालकी छोरी सिमरन भुसालको समेत सशक्त अभिनय रहेको छ।
गीतको छायांकन बुद्ध थापाले गरेका हुन् भने निर्देशन र कोरियोग्राफी मुकेश नेपालीले गरेका छन् । भिडियोलाई नवीन घर्तीमगरले सम्पादन गरेका हुन् । तीजको मौलिक भावनासँगै शिक्षा र विदेशमा अवसरको चाहना जोडिएको यस गीतले समसामयिक सामाजिक यथार्थ झल्काउने कोशिस गरेको छ ।
