आज:  २०८२ भाद्र १३, शुक्रबार | Fri, 29, Aug, 2025 Search
FLASH NEWS

कागतीखेतीको उत्पादन र व्यवसायी हकहितका लागि किसानहरु एकजुट, किसानको जिल्ला भेलाले गिरीलाई बनायो संयोजक

    प्रकाशित २०८२ श्रावण २७, मंगलबार (२ हफ्ता अघि)


कावासोती । नवलपुर जिल्लामा रहेका कागती किसानहरुको भेलाले कागती खेतीको उत्पादन, बजारीकरणका सहजता ल्याउने संकल्प गरेका छन् । मंगलबार कावासोतीको कृषि उपज बजार समितिको हलमा भएको जिल्ला भेलाले राष्ट्रिय फलफूलमा घोषणा भएको सुन्तलाजात अन्तरगतका फलफूलहरु सुन्तला र कागतीको उत्पादनमा देखिएको समस्या हल गर्न कागती खेती उत्पादन तथा व्यवसायी सञ्जाल नवलपुर गठन गरेका हुन् ।

कागती खेतीको उत्पादनमा लागिरहेका युवा कृषि उद्यमी विद्रोही गिरीको संयोजकत्वमा जिल्ला स्तरमा ११ सदस्यीय तदर्थ समिति गठन गरिएको सुन्तलाजात खेतीका अगुवा किसान गुप्तप्रसाद रेग्मीले जानकारी दिनुभयो । भेलाले सह– संयोजकमा देवीमाया रेग्मी, सचिवमा ताराप्रसाद भुसाल, कोषाध्यक्षमा प्रेमराज ढुङ्गाना, सदस्यहरुमा खगराज गौतम, छविलाल लामा, बिष्णु प्रसाद मानन्धर, दिपक चापागाई, धनबहादुर थापा, तुलबहादुर बयम्बु रहनुभएको छ ।

नवलपुरमा कागती किसानहरुको भेलालाई राष्ट्रिय कृषि आधुनिकरण परियोजना कार्यान्वयन इकाइ कावासोती, कृषि ज्ञान केन्द्र कावासोतीले सहजीकरण गरेको थियो । परियोजनाका प्रमुख देवराज अधिकारी, ज्ञानकेन्द्रका प्रमुख कुलप्रसाद तिवारीले किसान सञ्जाल गठनमा जोड दिनुभएको थियो । नवलपुरमा ३५ हजार कागतीका बोट रोपिएको छ भने झण्डै २० हजार कागतीको बोटले उत्पादन दिन थालेका छन् । ५० बोट देखि ६ हजार बोट रोप्ने ७१ जना किसानहरु भेलामा सहभागी भएका थिए ।

Write your Comment