आज: २०८२ भाद्र १३, शुक्रबार | Fri, 29, Aug, 2025 Search
नवलपुर ।नेकपा (एमाले) नवलपुर निर्वाचन क्षेत्र नं. १(ख) अन्तर्गतको क्षेत्रीय समन्वय समितिको प्रथम पूर्ण बैठक सम्पन्न भएको छ। नेकपा एमाले क्षेत्रीय संयोजक युवराज वाग्लेको अध्यक्षता तथा पार्टीका केन्द्रीय सदस्य एवं नवलपुर जिल्ला इन्चार्ज तिलक महतको प्रमुख आतिथ्यतामा बुधबार बैठक सम्पन्न भएको हो।
बैठकमा गण्डकी प्रदेश कमिटी सदस्य तथा क्षेत्रीय इन्चार्ज मुक्तिराम पाण्डे, गण्डकी प्रदेश सांसद तथा सदस्य रोशन बहादुर गाहा, नवलपुर जिल्ला अध्यक्ष जीवन श्रेष्ठ, केन्द्रीय सदस्य तथा क्षेत्र नं. १ इन्चार्ज रबिन्द्र अधिकारीले पार्टीको आगामी योजना, सांगठनिक सुदृढीकरण र विधान महाधिवेशनका विषयमा मन्तव्य राख्दै बैठक सफलताको शुभकामना व्यक्त गरेका थिए । जिल्ला सचिव भिम कंडेलले केन्द्र, प्रदेश र जिल्लाको प्रतिवेदन प्रस्तुत गरेका थिए भने यममाया राना मगरले शुभकामना मन्तव्य राखेकी थिइन्। बैठक सञ्चालन क्षेत्रीय सचिव चन्द्रकान्त लम्सालले गरेका थिए।
बैठकको अवसरमा नवमनोनीत क्षेत्रीय सदस्यहरुलाई संयोजक वाग्लेले शपथ ग्रहण गराएका थिए । निर्वाचन क्षेत्र नं. १(ख) अन्तर्गत देवचुली नगरपालिकाका १४, कावासोती नगरपालिकाका ११ र बुलिङटार गाउँपालिकाका ४ गरी जम्मा २९ वटै वडाका प्रतिनिधिहरू बैठकमा सहभागी थिए। बैठकले आउँदो भाद्र २०-२२ गते हुने विधान महाधिवेशनका लागि सुझाव संकलन गर्ने, पार्टीलाई निर्णायक राष्ट्रिय शक्ति बनाउने, ‘मिशन २०८४’ सफल पार्न सम्पूर्ण नेताहरूले पार्टी सदस्यहरूसम्म पुग्ने, टोल टोलमा कमिटी चलायमान गराउने निर्णय गर्दै बैठक सम्पन्न गरेको हो।
