भाटभटेनी देखि बाह्रकोलसम्म जोड्ने बाटो कालोपत्रे हुँदै

देवचुली। देवचुली नगरपालिकाको भाटभटेनीदेखि माथिल्लो बाह्रकोल, बेलस्वारा सम्मको कालोपत्रे सडकको लागि शुक्रबार शिलान्यास गरिएको छ ।समाधान लिडरसिप संस्थाद्वारा निर्माणाधीन सडकको गण्डकी प्रदेश पोखरा आन्तरिक मामिला मन्त्रालयका माननीय मन्त्री डोबाटे बिश्वकर्माद्वारा शिलान्यास गरिएको हो ।

बाह्रकोल जोड्ने कालोपत्रे सडकखण्ड समाधान लिडरसिप संस्था मार्फत रु ४७ करोड ७७ लाख लागतमा निर्माण गर्न लागिएको हो । कार्यक्रममा पुर्व सांसद/ नेपाली कांग्रेसका जिल्ला सभापति महेन्द्र ध्वज जिसि , देवचुलीका नगरप्रमुख हरि प्रसाद न्यौपाने , उपप्रमुख पार्वता तिवारी साथै देवचुली १६ का वडा अध्यक्ष केशव राज गौतम , १७ का वडा अध्यक्ष गणेश शर्मा चालिसे (दिपक ) , चौतारी सामुदायिक वन उपभोक्ता समुहका अध्यक्ष लोकनाथ अर्याल , बाह्रकोल सामुदायिक वन उपभोक्ता समुहका अध्यक्ष सुर्य बहादुर पाटा , स्थानीय आमा समुहका अध्यक्षहरु , समाधान लिडरसिपका लिडर रुपा सोमै , बिपिन खेतान , दिनेश त्रिपाठी , सुजित झा , विकास अधिकारी , माधवप्रसाद खतिवडासंगै जनप्रतीनिधीहरुको सहभागिता रहेको थियो।

शिलान्यास कार्यक्रममा बोल्दै समाधान संस्थाकी लिडर रुपा सोमैले आफुले आजसम्म अन्य क्षेत्रमा सेवा र सहयोग गर्दै आएकोमा आज आफ्नै जन्मठाउँमा सहयोग गर्न पाउँदा खुसि रहेको बताईन। अवको समय देख करिव करिव २ महिना भित्र अवलोकन कार्य सकी छिटै कालोपत्रे बनाउने उहाँले बताउनु भयो । उहाँले उक्त सडक निर्माणका लागि देवचुली नगरपालिकासँग सहमति लिएको र अबका दिनमा समेत स्थानीय सरकारसँग सहकार्यको अपेक्षा राखेको उनले बताईन।

कार्यक्रममा बोल्दै मन्त्री विश्वकर्माले सकारात्मक कार्य र विकाशको लागि स्थानीय क्षेत्रबाट सबैले साथ दिन नगरप्रमुख र वडाध्यक्षहरुलाई अनुरोध गरेका थिए । कार्यक्रमको सहजीकरण पावल सोमै मगरले गरेका थिए ।