देवचुलीमा महिलाहरुको बृहत भेला सम्पन्न

देवचुली। बैशाख ३० गतेको लागि तोकिएको स्थानीय तहको निर्वाचनकाे सरगर्मि गाउँ गाउँसम्म पुगि सकेकाे छ । यसै बिच नेकपा एमालेका उमेदवारहरुलाई भारी मतका साथ विजय गराउन देवचुलीमा अखिल नेपाल महिला संघले आफ्नो क्रियासिलता बढाएको छ । सोमबार अखिल नेपाल महिला संघ वडा नं १ वडा कमिटी देवचुलीले बृहत महिला भेला सम्पन्न गरेकाे छ ।

कार्यक्रममा नेकपा एमाले देवचुली ईन्चार्ज तथा देवचुली नगरपालिकाको उप प्रमुख पदको उम्मेदवार पार्वता तिवारीले महिलाहरुलाई चुनावका बेलामा खेल्नुपर्ने भुमिका , आचरण तथा सुरक्षित मतदानका लागि सक्रिय रुपमा लाग्नुपर्ने र नेकपा एमालेका उम्मेदवारहरुलाई विजय गराउन गर्नुपर्ने कामहरुको बारेमा प्रशिक्षण गर्नुभएको थियो ।

कार्यक्रमका प्रमुख अतिथि नेकपा एमाले गण्डकी प्रदेश सदस्य सुर्य पाेख्रेलले समग्र वडा भित्रकाे मत संरक्षण , नेता कार्यकर्ताकाे सुरक्षामा चुनावमा हुनसक्ने चलखेलमा महिलाहरु चनाखाे भएर लाग्नुपर्ने बताउनुभयो । साे कार्यक्रममा नेकपा एमालेका प्रमुख , उप प्रमुख, वडाध्यक्ष तथा सदस्यका उम्मेदवारहरुको उपस्थिति रहेको थियो। अखिल नेपाल महिला संघ देवचुली १ वडा कमिटीको अध्यक्ष सरु न्यौपानेको अध्यक्षता भएको कार्यक्रमको संचालन पुर्णिमा बोटेले गर्नुभएको थियो।