छैठौं वडास्तरीय नकआउट फुटबल प्रतियोगितामा शुभ प्रभात समाज विजयी

देवचुली, देवचुली नगरपालिकामा संचालित छैठौं वडास्तरीय नकआउट फुटबल प्रतियोगितामा आज शुभ प्रभात समाज विजयी हुँदै सेमिफाइनल प्रवेश गरेको छ । पृथ्वी समाज सेवा क्लबको आयोजनामा सुर्य किरण आधारभुत विद्यालयको खेलमैदानमा संचालित प्रतियोगितामा शुभ प्रभात समाजका विरुद्ध देवचुली भेट्रान्स बिच भएको खेलमा शुभ प्रभात समाज ३-० गोल अन्तरले विजयी भएको हो । आजको खेलमा शुभ प्रभात समाजका मन बहादुर पाटा मगर म्यान अफ दि म्याच घोषित भएका छन ।

२१ टिमको सहभागिता रहेको प्रतियोगितामा प्रथम हुने टिमले नगद रु २५ हजार ,प्रमाणपत्र,मेडल र ट्रफी प्राप्त गर्नेछ भने द्वितीय टिमले नगद रु १५ हजार ,प्रमाणपत्र,मेडल र ट्रफी प्राप्त गर्नेछ । त्यस्तै खेलमा सर्वोकृष्ट खेलाडी र सर्वाधिक गोलकर्तालाई पुरस्कारको व्यवस्था रहेको आयोजकले जनाएको छ । प्रतियोगिताको भोलीको खेल पुरानो देवचुली र केउरानी युवा क्लबबिच हुने खेल संयोजक समीर श्रेष्ठले बताए ।