प्रथम वडाध्यक्ष कपको उपाधी प्रगतिकला मन्दिरलाई

देवचुली,देवचुली नगरपालिकामा संचालित प्रथम वडा अध्यक्ष कप फुटबल प्रतियोगिताको उपाधि प्रगतिकला मन्दिर युवा क्लबले जितेको छ । समाज सुरक्षा क्लबको आयोजनामा कदमपुर खेलमैदानमा संचालित प्रतियोगितामा प्रगतिकला मन्दिर युवा क्लबविरुद्ध आयोजक समाज सुरक्षा क्लबबिच भएको फाईनल खेलमा प्रगतिकला मन्दिर युवा क्लब ट्राईबेकरमा ४ -१ गोल अन्तरले विजयी भएको हो । निर्धारित समयमा दुवै क्लबले १-१ गोल गरेका थिए। फाईनल खेलको निर्धारित समयमा प्रगतिकला मन्दिर युवा क्लबको तर्फबाट टिका चितौरेले गोल गरेका थिए भने समाज सुरक्षा क्लब तर्फबाट मानबहादुर पाटाले गोल गरेका थिए । प्रतियोगिताको बिजेता प्रगतिकला मन्दिर युवा क्लबले नगद रु २५,०००/- , मेडल र ट्रफी प्राप्त गरेको छ भने उप बिजेता समाज सुरक्षा क्लबले नगद रु १५,०००/- , मेडल र ट्रफीमा प्राप्त गरेको छ ।

प्रतियोगिताको प्रगतिकला मन्दिरका गोलरक्षक अनिल राना सर्वोकृष्ट गोलरक्षक, समाज सुरक्षाका मानबहादुर पाटा सर्वाधिक गोलकर्ता र सर्वोकृष्ट खेलाडी भएका थिए । । फागुन ७ गतेबाट संचालित प्रतियोगितामा १४ टिमको सहभागिता रहेको थियो ।

देवचुली नगरपालिका वडा न ५ को आर्थीक सहयोगमा संचालित प्रतियोगितामा बिजेता , उप बिजेता तथा उत्कृष्ट खेलाडीहरुलाई देवचुली नगरपालिकाका नगर प्रमुख पुर्णकुमार श्रेष्ठले नगदसहित पुरस्कार वितरण गर्नुभएको थियो । प्रतियोगिता समापन कार्यक्रममा समाज सुरक्षा क्लबको अध्यक्ष नवलसिं ढेगाको अध्यक्षता ,देवचुली नगरपालिकाका नगर प्रमुख पुर्ण कुमार श्रेष्ठको प्रमुख आतिथ्यता , देवचुली युवा तथा खेलकुद विकाश समितिका अध्यक्ष भीमलाल तिवारी , देवचुली नगरपालिका वडा न ५ का अध्यक्ष शिवलाल सापकोटा लगायत देवचुली नगरपालिकाका जनप्रतिनिधिहरु , विभिन्न संघसंस्थाका प्रतिनिधिहरुको उपस्थित रहेको थियो ।