प्रथम वडा अध्यक्ष कप: प्रगतिकला मन्दिर युवा क्लब फाईनल प्रवेश

देवचुली, देवचुली नगरपालिकामा संचालित प्रथम वडा अध्यक्ष कप फुटबल प्रतियोगितामा आज प्रगतिकला मन्दिर युवा क्लब कैलाशचोक विजयी हुँदै फाईनल प्रवेश गरेको छ । समाज सुरक्षा क्लबको आयोजनामा कदमपुर खेलमैदानमा संचालित प्रतियोगितामा पृथ्वी समाज सेवा क्लब पृथ्वीनगरका विरुद्ध प्रगतिकला मन्दिर युवा क्लब कैलाशचोकबिच भएको खेलमा प्रगतिकला मन्दिर युवा क्लब २ -० अन्तरले विजयी भएको हो । जितसंगै उपाधिका लागि प्रगतिकला मन्दिर युवा क्लबले आयोजक समाज सुरक्षा क्लबसंग फाईनलमा प्रतिस्पर्धा गर्नेछ। आजको खेलमा प्रगतिकला मन्दिर युवा क्लबको तर्फबाट दुवै गोल सुमन आलेले गरेका थिए ।

प्रतियोगितामा प्रथम हुने टिमले नगद रु २५००० ट्रफी , प्रमाणपत्र प्राप्त गर्नेछ भने द्वितीय टिमले नगद रु १५००० प्राप्त गर्नेछ । त्यस्तै खेलमा सर्वोकृष्ट खेलाडी पुरस्कारको व्यवस्था रहेको आयोजकले जनाएको छ। प्रतियोगिताको फाईनल खेल प्रगतिकला मन्दिर युवा क्लब र समाज सुरक्षा क्लब बीच शनिबार हुने खेल संयोजक विश्वास लामिछानेले बताए ।