सेभेन ए साइड फुटबल प्रतियोगिता : नव ज्योति र प्रगतिकला मन्दिर युवा क्लब सेमिफाइनल प्रवेश

देवचुली । देवचुली नगरपालिकामा संचालित दोस्रो सेभेन ए साइड फुटबल प्रतियोगितामा सोमबार नव ज्योति युवा क्लब हसौरा र प्रगतिकला मन्दिर युवा क्लब सेमिफाइनल प्रवेश गरेका छन् । हरितालिका तीजको अवसरमा प्रगतिकला मन्दिर युवा क्लबको आयोजनामा जन ज्योति नमुना माविको खेलमैदानमा भएको नव ज्योति युवा क्लब र फाराम खेलकुद विकास समितिका बीच भएको खेलमा नव ज्योति युवा क्लब विजयी हुँदै सेमिफाइनल प्रवेश गरेको हो । खेलमा नव ज्योति युवा क्लबले फारामलाई ३-१ गोल अन्तरले हराएको हो । खेलमा नव ज्योति युवा क्लबका तर्फबाट अशोक तामाङले २ गोल र उत्तम सिंजाली १ गोल गरेका थिए भने फाराम खेलकुद विकास समितिका तर्फबाट सन्दीप तामाङले १ गोल गरेका थिए । खेलमा नव ज्योति युवा क्लबका अशोक तामाङ म्याच अफ दि म्याच भएका थिए ।

सोमबार भएको प्रगतिकला मन्दिर युवा क्लबका विरुद्ध चर्च ब्वाइज डीहीबिचको खेलमा प्रगतिकला मन्दिर युवा क्लब विजयी भएको छ । प्रगतिकला मन्दिर युवा क्लबले चर्च ब्वाइजलाई २-० गोल अन्तरले हराउँदै सेमिफाइनल प्रवेश गरेको हो । खेलमा प्रगतिकला मन्दिर युवा क्लबका सुमन आले र सन्दिप मल्लले १/१ गोल गरेका थिए । दोस्रो खेलमा प्रगतिकला मन्दिर युवा क्लबका साम्युल थापा म्यान अफ दि म्याच भएका थिए ।

प्रतियोगितामा प्रथम हुने टिमले ४७ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने दोस्रो हुने टिमले २६ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ। त्यसै गरि प्रतियोगिताको उत्कृष्ट खेलाडी, सर्वाधिक गोलकर्ता र सर्वोकृष्ट गोलरक्षकलाई पुरस्कारको व्यवस्था रहेको छ ।

प्रतियोगिता अन्तरगत बुधबार सनलाइट युवा क्लबका विरुद्ध भुपु ब्वाइज र प्रगतिकला मन्दिर युवा क्लब निलो का विरुद्ध देवचुली-११ बीच खेल हुने आयोजकले जनाएको छ ।