आज:  २०८० जेष्ठ २४, बुधबार | Wed, 07, Jun, 2023 Search
FLASH NEWS

दोस्रो देवचुली मेयर कप फुटबल प्रतियोगितामा फारम पहेँलो विजयी

    प्रकाशित २०७७ चैत्र २४, मंगलबार (२ साल अघि)

राजु चापागाई, नवलपुर । देवचुली नगरपालिकामा संचालित दोस्रो देवचुली मेयर कप फुटबल प्रतियोगिता २०७७ मा फारम पहेँलो विजयी हुँदै दोस्रो चरणमा प्रवेश गरेको छ ।देवचुली नगरपालिकाको सहयोगमा देवचुली नगरपालिका युवा तथा खेलकुद विकास समितिको आयोजना र फारम खेलकुद विकास समितिको सह आयोजनामा वरचुली मा वि को खेलमैदान फारममा आज फारम पहेँलोका विरुद्ध भगवती एकता युवा क्लबबिच भएको पहिलो चरणको अन्तिम खेलको निर्धारित समयमा दुवै टिमबाट ०-० गोलको बराबरी हुँदै ट्राईबेकरमा फारम पहेँलो ३-२ गोल अन्तरले विजयी भएको हो । आजको खेलमा भगवती एकता युवा क्लबका गोलरक्षक अनिष महत्तो म्यान अफ दि म्याच भएका थिए।

नवलपुर जिल्लाका १६ वटा टिमहरुको सहभागिता रहेको प्रतियोगितामा प्रथम हुने टिमले नगद रु १ लाख ५० हजार ,प्रमाणपत्र,मेडल र ट्रफी प्राप्त गर्नेछ भने द्वितीय टिमले नगद रु ७५ हजार ,प्रमाणपत्र,मेडल र ट्रफी प्राप्त गर्नेछ । सेमिफाइनलमा पुग्ने टिमले रु २० हजार प्राप्त गर्नेछन् । त्यस्तै खेलमा सर्वोकृष्ट गोलरक्षक , सर्वोकृष्ट खेलाडी र सर्वाधिक गोलकर्तालाई पुरस्कारको व्यवस्था रहेको आयोजकले जनाएको छ । भोली दोस्रो चरणको पहिलो खेल भानु युथ एकेडेमी र युनाईटेड क्लब गिरवारीबिच हुने खेल संयोजक विष्णुकुमार वाग्लेले जानकारी दिनुभयो ।

Write your Comment